20 мая 2013 г.

Типа рецензия на окончание 5ого сезона удмуртских вечеринок в Ижевске.


Один из постоянных посетителей наших вечеринок написал статью, по форме и содержанию напоминающую рецензию. Публикуется на условиях соблюдения анонимности. Будем рады вашим комментариям к этой статье и поднятой здесь теме, а также замечаниям и предложениям на следующий сезон, который предположительно откроется в сентябре в клубе "Пепелац." 

Толэзьлы одӥг пол четверге удмуртъёс люкасько «Пепелац» клубе удмурт позыръяськонэ. Малы? Эктыны, пумиськыны эшъёсынызы, шулдыръяськыны, юыны, тодматскыны нылашъёсын, адӟытыны калыклы выль дэремзэс яке причёсказэс - мугъёс пӧртэмесь. Пӧртэмесь позыръяськонэ лыктэм удмуртъёс но. «Удмуртлык» тусовкалы удмурт позыръяськонъёс – со нырысь ик аспӧртэмлыко ваньзэ сак шӧдӥсь термометр, кудӥз возьматэ удмуртъёслэн чеберлыко улоназы ортчем воштӥськонъёсыз. Ваньзы кырӟаса ветло «Ёк-коколёк» - мелэ тӥледлы «Пепалац» сцена вылын тэтчась А. Леонтьевез (пырак Глазысь вуиз адями!). Вормизы «Элькуновидениын» «Вить Сергейёс» - соос но ини (мед 3 кузя гинэ) «суто» татын. Нош кӧня туала удмурт кизилиослы «Пепелац» луиз нырысетӥ концерт сётон инты –  нокин палэнтӥ сое ортчыны ӧз быгаты (тужгес яркыт усьтон – со, конечно, Иван Белослудцев аслаз чебер пиосыныз). Умой соиз но: ёросъёсысь пӧртэм группаослэн вань луонлыксы асьсэзыз возьматыны (тани, шуом, «Даур герӟет» ушъяно кырӟазы вал). Ваньмыз та умой. Урод соиз: тросэзлы удмурт дискотекае лыктэмъёслы пофиггес, ма сцена вылын возьматозы, тырмыт луиз ке сур но лэзизы ке «Ой, тӥ чебер нылъёс»  -  со ини тырмыт. Тросэзлы удмурт позыръяськонъёс – со сыӵе инты, кытын можно ачид кадь адямиос пӧлын гань-гань тусоваськыны. Ветлы город клубе но астэ лохен эн шӧды – мар ке та порма.

Удмурт позыръяськонын – «удмуртский дух, удмуртом пахнет». Причём со метафора гинэ ӧвӧл. «Пепел» – сыӵе ик гурт клуб, кудӥз ассэ  тузӥ «ночной клуб» нима. Ну таиз паймымон ӧвӧл: Ижкар (ну ярам, солэн удмурт люкетэз) – со бадӟым гурт, кытын ваньзы ог-огзэс тодо. Мынӥськод ке «Пепелаце», тодӥськод ини, кинэ татын пумиталод. Толэзьысь толэзэ со ик адямиос, кудӟем степеньзы гинэ вошъяське. Хотя ӵемгес но ӵемгес выль ымныръёс пумисько – удмурт дискотекаос туж тодмо луизы ни. «ФУФ»-ын дышетскисьёсты татын университетлэсь ӵемгес пумитано. Адямиос юри гуртъёсысь но татчы ветло. Вуиз ини дыр «старожилъёслы» зульыны кутскыны: «Пепелац уже не тот», «Мон ветлӥсько вал удмурт позыръяськонъёсы соку, куке со мейнстрим ӧй вал ай».  Яке ностальгически тодэ вайыны «Авиаторез»… 

Удмурт позыръяськонъёс – удмуртъёслэн культурной улоназы аспӧртэмлыко феномен. Яке некультурнояз – кудпаласен учкод ини.  Ма ватонэз – трос юэмъёс, трос жугиськисьёс, трос гопникъёс. Ӧвӧл чебер дӥсяськон культура. «Модный приговор» ортчытӥд ке, уноезлы приговор одӥг луоз, дыр: «Расстрелять!» Куддыр юэм но тросгес потэ, калык мед чебергес адӟиськоз шуыса. Нылъёс борды сокем ерем уг поты. Мон прямо медаль сётысал одӥг эшелы, кудӥз котькуд дискотека азьын аслыз выль секси дэрем басьтэ. А вот пиос… Меӵак вераса – адекватно дӥсяськем пиос татын соку ик синйылтӥсько ни. Ну таиз уже ужпум дискотекаосын гинэ ӧвӧл, озик дыръя но. 

Кырӟанъёс сярысь ке (котькуд дискотекалэн одӥгез тужгес инъет луись люкетэз) верано – таин югдур огшоры ӧвӧл. Огласянь, кызьы адӟытэ трос аръёс ӵоже кылдэм ситуация, удмуртъёслы ноку но (!) уз акыльты тэтчаны «Ой, тӥ чебер нылъёс» кырӟанъя. Потӥз тани выль «Ой, Италмас» - умой, соя эктом. Ӧз – ма бен, Загребинлэн но вуж кырӟанъёсыз яралозы. Огъя верано ке, «Яралоз соиз, ма вань» - удмуртъёслэн яратоно девиззы, кудӥз люкетэ асьмелы азинскыны. Кырӟанъёслэн удмуртлыко понна кыл кутӥсь диджей луэ Эркишев. Со ик кема аръёс ӵоже ини тырше нырысетӥ хитэзлэсь устогес кырӟан гожтыны. Та дырозь ӧз пӧрмы на  и уз но пӧрмы. Эшшо Котельников пыдтышъёссэ лёга ни. Анисимов Колялэн так-то целевой аудиториез  мӧйыгес калык луэ ке но, со уг люкеты позыръяськонын шулдыръяськисьёслы. Схема таӵегес: «кырӟан шулдыр? – шулдыр! – эктӥськом, эшъёс!» Эшшо верам потэ на: Эркишев капчи мылкыдо кырӟанъёс лэзья, яратон, чебер нылашъёс, югыт дунне сярысь, нош ачиз эктӥсь калык шоры сӥть шоры кадь учке (визьмо тус-а, мар-а аслыз карыны тырше – валантэм). Электроникъёстэк удмурт позыръяськонэз копак син азе пуктыны уг луы. Электроникъёс – ӟечокъёс. Никита но Богданэн ӟеч (но не удмурт) кырӟанъёс лэзьяло (жаляса верано, тросэз тае уг кыло – калык 11-лы люкаське ай ӵемгес). Нош «порозмафи» Гошалы удалтӥз:  куке со кырӟанъёс лэзьяны кутске, калыклэн ини сыӵе мылкыдэз но разгонэз – коть Бахлэсь симофонизэ лэзь, удмуртъёс, дыр, тапыртонзэс азьланьтозы. Но со экспериментъёсы ӧз вуылы на ай – мар кулэ адямиослы эктыны, сое ик лэзья. 

Позыръяськон бере ваньзы чидатэк витё туспуктэмъёсты. Вазиськонэ вань: «Гажано Бармин эш! Ваньзы тодо, тон «Пепелацэ» шутэтскыны уд, ужаны ветлӥськод шуыса. Ваньзы адӟо, кызьы тон бызьылӥськод-туспуктӥськод мусо удмурт ымныръёсты.  Кулэ ӧвӧл «в качестве доказательства» 100500 фотоосын альбомъёс кылдытъяны! Одӥг компаниен 5 одӥг кадь туспуктэм понэмын: шедьты 3 пӧртэмлыксэ, шуиське. Уг луы сыӵе альбомъёсты учкыны, чидан уг тырмы (дырез но жаляногес). Соин ик шедьтӥськод асэныд туспуктэмдэ но учкиськод ини: кырыж-а, ӧвӧл-а ымнырыд потэм». Тани Чудья Женилэн копак мукет басьтӥськонэз: 20 фото понэ но тырмоз. Креативно ӧд ке пуксьы, ачид виноват – эн ик утча астэ туспуктэмъёс пӧлысь. Сразу Барминлэн альбомаз пыр.

Зулисько ке но, калык уг воштӥськы шуыса, со понна ик, оло, сыӵе ветлэм потэ татчы. Огпол уд мынӥськы но – мӧзмоно ни со «мусо удмурт мордочкаослэсь» (кызьы одӥг эше шуэ). Кылемаз, малпасько, уг мыны: ӵукна вазь султоно, номыр вылез уз луы… И мар тӥ малпаськоды? 11 часын выльысь йырам олома шуккиз на (ну берпуметӥез ведь таяз сезонын!) Рекордно дасяськи 10 минут куспын но, ӝыны час улыса, вал ни «Пепелац» азьын. Малпасько вал часозь гинэ улыны – кыли пумозяз. Ку на вуоноез луоз позыръяськон?

Сезон быриз. «Ӟеч луэ!» шуим порозмафиослы. Кык ар ӵоже кык туууж супыльтыны яратӥсь пиос но кык шыпытгес улӥсь (зато синмез шумпоттӥсь) нылъёс нырысь выль омыр шокчизы удмурт позыръяськонъёсы – но акыльтыны вуизы. Ма соослэн янгышсы ӧвӧл та – нокин конкурировать уг быгаты на соосын, профессионалъёс луизы ни ук копак та удысын! «Где та молодая шпана, которая сотрёт «Порозмафи» со сцены «Пепелаца»?» Тодмо ӧвӧл.

Сезон быриз. Трос кылиз, мае тодэ вайыны. Богдан выль беспроигрышной берыктэм кырӟанъёсыныз. Порозмафиос, кинъёс быгатозы ини нуыны удмурт дискоосты, синзэс кыньыса но кизэс керттылыса. Ваулина фаллоимитаторъёсыныз. Котьку классный Ваня Белослудцев 4 не менее классный пиосыныз но не менее классный кырӟанъёсыныз (бен, мон фанат). Мӧзмыт «Кебит возьмась»  (мӧзмыт, малы ке шуоно нокыӵе интригаос ӧвӧл ни – вуоно аре голосование карытэк луоз ни – «Удмурт Кенешлы» малпано номинациос но тӥни). «О-о Ы-ы» - таязэ чуть ӧй синмаськы. Нырысетӥез катерын позыръяськон (удмурт романтик!). Барабанщикъёс. Струнный квартет FM.  Эшшо трос мукетыз.  Ну и мон точно тодӥсько: котькуд ассэ гажась удмуртлэн вань кыӵе ке «Пепелэн» герӟаськем историез, кудзэ со нылпиосызлы уз вера, но эшъёсыныз кема серекъяса тодаз вайылоз. 

Сезон быриз. Мар но кин луоз вуонояз – возьмалом. 

Фото и видеорепортажи с наших вечеринок можно посмотреть на страничке в ВК

2 комментария:

  1. Мар тӥ... Виталя будэ ни ук, выль ымныръёсты утча. Бикузинлэн туспуктэмъёсаз нош весь одӥг ымныръёс.

    ОтветитьУдалить
  2. Вератэк но валамон кин та чуръёсты гожтӥз, котьку сямен кылдэм ужпумез выжысеныз кутскыса со ёзна-пертче.
    Вань, о-о, малпаськон арбериос.
    Кебит возьмась!

    ОтветитьУдалить